突如其來的3寶~

自從有左一個「好」字之後，孖媽已經好滿足!!!

所以從未諗過會有第3個….

4月時某一日下午，覺得個下腹有D痛….
返到屋企勉強食少少野…就訓左係度….
第2日仲覺得個肚硬硬地…
同事話會唔會係盲腸炎呀?

最後放完五一連假後，就book左婦科睇下醫生…
睇醫生前一日仲去左食放題tim~~~

係診所內…..簡直晴天pigpig~~~~~~~~~~~~~~~~

醫生話……….4個幾月啦~~
仲已經睇到性別==”

完全以為自己有病….邊諗到係有左架…
見到個超聲波mon…細細已經揮揮手~~~

離開診所後，打俾老公同家姐…..
返屋企再同公公婆婆講…..

最後用左1星期….我先消化到呢個surprise!!!!!!!
Babies G 升level做哥哥家姐啦~~

 

回想返….
細細真係乖…疫情期間冇令我地擔心….
自己靜悄悄長大~~~

呢4個月…孖媽仲係咁食壽司，
放題，海鮮生冷野，西瓜木瓜，涼茶都飲唔少~
仲成日行街，拎重野，追巴士，柒髮，
同Bbs玩成日爬黎爬去，仲坐係肚上面un=o=””