無預計的- 第7次私家產檢 (24weeks 3)

連續兩星期都去左私家/政府檢查～
所以原本今個星期繼續返工，等26週再返政府睇...
如常地返工，仲覺得好肚餓，
同同事出去食lunch本身打算食碗麵，都轉左要碟飯hahaha...

食完飯都會係附近商場行個圈消化下再繼續返工...

點知行商場個陣都覺得有d唔對路...
個肚硬硬地又好攰咁....拿拿聲返office坐低休息下...
我估應該似係宮縮，因為之前都有時feel到個肚硬硬地，
但好快鬆返冇事....

坐係office抖左大半個鐘，都仲係肚硬，有d唔舒服....去廁所又見到之前好淺好淺既dd啡....即刻好淆底...唯有打去睇私家有冇時間俾我攝位睇～

2:50打去診所，孖胎流啡急診，姑娘幫我攝到3:30booking, 即刻飛的士去，同時又急call媽咪出黎陪我...其實個刻有d驚到想喊，但忍住！

去到診所，可能知有得見醫生，個肚都鬆返，岩岩媽咪黎到，3:50就有得見醫生
（比想像中快好多，由book到睇一個鐘）

先照左bbs，兩個都好活躍揮揮手wor~~~

做晒檢查，因為醫生都覺得胎盤低，
所以做埋陰超，確實胎盤距離同子宮頸長度...

檢查完冇咩事，少少流啡/宮縮都係孖胎同懷孕既反應...冇再出血就ok，而子宮頸長度有4cm，冇問題！
胎盤會係後期慢慢再升。

再度埋bbs size (私家醫生度得準過政府好多，起碼冇咁求其），
兩個bb都岩size, 仔仔而家有638g, 囡囡有603g....
hehe~呀媽話每人都有1斤XDD

睇完照完放心晒，醫生亦開左一星期假俾我抖下...

Bbs要繼續乖乖長大，唔好嚇媽咪～