第一次睇醫生...嬰兒發燒...

妹妹病了........
第一次睇醫生

年初六個日...老公放假...在家一湊二
下午孖媽收到老公電話
（佢好少打俾我，打親都係大件事)
老公話感覺到呀女有點熱...
幫佢探熱有38.5度，點算
即刻打俾救星婆婆...

婆婆教先用溫水幫妹妹抹身，特別係關節位，
有助散熱...可以既再餵佢飲奶奶
等佢去多d小便排毒...
同時間婆婆亦放低手頭上事務，
飛去我屋企幫手，婆婆幫妹妹沖左個涼...

食左1次健康院俾既看門口退燒水...
過左一個鐘已經退左燒去到37.3度...
有點鼻水有點咳...
都決定同妹妹去睇醫生⋯⋯
普通傷風感冒，
醫生話妹妹有鼻水有咳呢d病徵多數係傷風，
轉天氣攝親...如果冇病徵但有發燒，
就可能尿道炎要驗小便，特別係女孩子..

初六下午...孖媽在辦公室中跟本無心情工作..
「病在兒身，痛在娘心」
公公婆婆爸爸都在家照顧babies G,
就係媽媽不在...
理應有婆婆我很放心，
但孖媽還是好想飛返屋企，
幫唔到手，望住都好...

到第一次幫妹妹食藥...
見佢好唔中意周身郁，係咁喊...
但我地都要夾住佢食藥...
個一刻孖媽唔爭氣地....哭了
真係好想代你病...
又話食人奶既bb，6個月前有抗體好少病既...
係咪媽咪無用
妹妹加油快d做返媽咪既精靈寶貝乖女

發燒定義 (資料來源: 仁安醫院網站)

	口探溫度	耳探溫度	肛探溫度
正常	36.4 - 37.5°C （97.6 - 99.5°F）	36.4 - 37.5°C （97.6 - 99.5°F）	37 - 37.9°C （98.6 - 100.2°F）
發燒	超過37.5°C	超過37.5°C	超過37.9°C

由於BB太細個，又唔識表達...
所以有事都係睇醫生穩陣D~~
孖媽係懷孕期間，已經搵定屋企附近既兒科醫生...
唔使病起上黎先周圍搵...因為個陣成個人都神不守舍~~
同埋探熱針/耳槍都要一早買定看門口，因為唔知幾時需要用呢~

----------------------------------------------------------------------------------------
facebook page : 龍鳳Babies G & 孖媽Gloria
邀稿/合作: twins.babiesg@gmail.com