三寶18-20週的產檢+照結構

知道自己有左後，因為已經17週，
好多初期既檢查已經過左…

即刻抽血做T21 test~~
拎住懷孕證明去QE book期~

再搵上胎既產檢醫生做個詳細檢查~~

18週返私家做產檢...

醫生話細佬size好OK~樣樣都正常冇問題~~

不過胎盤有D陰影，暫時冇咩影響，
但都照寫左封信俾QE睇~

第2日返QE見姑娘抽血，拎醫生期，
因上胎有妊娠糖尿，所以都即刻安排個糖水test俾我~

(好明顯今胎都會繼續中=.=”)

有左仲好靈活，帶babies G出去沙灘玩~^^

19週返QE~~
因過晒初期test既階段，
姑娘幫我安排左做中期唐氏超聲波~

不過佢話準確率得80%~
(其實T21都出左result 冇問題)~~
照做….可以照超聲波見細佬~~哈哈

當日姑娘都照得好詳細，讚細佬鼻高高~~
數埋手指，又睇左冇兔唇XD”~
胎盤冇低，子宮頸夠長~

再一次係mon見到自己既BB好得意~~

感覺姑娘好有經驗，
所以都有問姑娘關於胎盤陰影既問題。
姑娘話佢地臨床見好多，大部分都冇問題。
最怕係好多陰影，影響後期吸收。
但我就應該冇咩問題~~即刻放心D!!!

好快下星期又要返QE啦!

20週~

因為上次私家醫生寫左封信俾QE，
所以QE都安排左照結構期俾我~
下午去QE快好多，
等15分鐘第2個就已經入去見醫生!

今次照結構醫生好細心…
逐樣野講解，手指腳指器官，
心臟心室大小腦….etc
大致上都冇問題~~
我同老公都好滿意，
就順便取消埋私家既照結構期XD”

照完去食個椰子雞煲慶祝下~