帶BBs去食自助餐!

岩岩8 月尾婆婆生日，
Babies G分別同公公&姨婆們食左兩次buffet慶祝!!!

 

其實babies G都唔係第一次同我地去食自助餐，newborn都已經食過兩次，
但個陣太細，佢地全程係BB車內訓~haha

今次佢地都有份埋台坐high chair一齊食lu~yeah!!!
正日當日都係bbs 9個月大，
我地去左九龍香格里拉食dinner buffet!!!

妹妹當日著得好靚呢~

book台時已告知有2個需要bb chair，入座時已經set好椅子。
木質地好好，仲有埋台面方便俾bbs自己拎預備好既生果食!!

妹妹冇咩儀態XDD"

另外大台面亦放好兒童餐具，
畫紙及蠟筆!!(對Babies G黎講未用到住，但孖媽感覺良好!!)

當晚BBs都食左少少生果…

係咁望住爸爸搣橙，咁耐架!!XDD

乖乖坐左1個多小時先開始扭眼訓!!
已經表現不錯。 由於唔需要換片片，未有育嬰室報告~haha

之後weekend約左姨婆們一齊去九龍酒店食lunch buffet!!!!
當日有埋babies G表哥，3個BBS~~~~
好熱鬧!!!!同樣地去到已經set好bb chair~~

但bb chair比較殘舊，
有D膠位已經披口會界手，有D已經沒有安全帶。
而且BB餐具亦需要求才會給予。

不過當日有派氣球俾小朋友，
氣氛好好呢!!(可惜兩兄妹都驚，俾晒表哥XD”)

咩東東黎架~

當日BBs下午可能精神較好，除左生果，
亦都食左硬包包及餅乾條。

妹妹坐足全場冇扭計冇訓覺，哥哥亦係最後30分鐘才訓著。
表現好好~~

但當日要求左去育嬰室，被告知要通知其他職員去另一層開門!!但侍應叫我地問入口登記職員，
但登記職員又話好忙要等，最後係女廁見有換片板，
就係換片板換….但最失敗係換片板對上天花板係出風位，超大風!!!
bb仲要除褲露肚仔換片…唯有用大毛巾包住bbs盡快換完。

bbs食完仲陪孖媽去The one影美少女呢~~~~

至於野食方便，孖媽覺得九龍酒店比香格里拉更岩心水。