第5次私家產檢 (16weeks 2)

有3個星期冇見過Bbs啦!!!!!

因為暫時仲未feel到胎動，都有少少擔心架~~~
不過久不久會有少少扯住痛，胸又好似再谷漲左….摸落個肚冇以前D肉咁鬆泡泡，有D實實地~
都知你地好乖乖咁努力成長緊…>3<

婆婆都好想見BbsXDD”，
所以今次產檢婆婆都有一齊去~~

今日去診所竟然冇人….好快就入到去見醫生。

講解返T21個report…就開始超聲波~~

Hihihihihi又見面啦~~~好掛住你地呀~
先照第一個，見到手指腳指，頭骨，大小腦…而家已經唔係度你地既長度lu~~

係度頭圍，腿骨，再睇你地幾重~~~

跟住碌碌下，果然聽媽媽話擘大腳仔，
見到小咕咕XDD”~hehehe…

再睇第二個，呢個位置係上少少，近媽媽肚臍~~

所以醫生都要左轉右轉去照BB~~~
又聽下心跳，又數下手指腳指….我最想知性別~~hahaha
因為有一個confirm仔仔啦!
好彩你都好乖乖合作~~~醫生睇左幾次confirm左係女女啦!!!
Yeah~~~~

有仔有女，好圓滿呀~~爸爸媽媽婆婆都好開心~~hehe

所有野醫生都話OK, 岩size BB好好~~~

咁我地就最放心啦!!!
Yeahyeahyeah~~又要3星期後再見lu~~

QE-全日血糖餐 (13weeks3)

因為上次飲完糖水fail，
今日全日要返QE食血糖餐篤手指。

8:30 要返到QE，

去登記後今日去E2病房…

明明台面有11碗粥，8:30都未齊人…

先開始逐個空腹篤手指，再食雞肉粥做早餐。

 

聽營養師講講座….咩都唔食得咁…特別飯同麵包><””
但佢又要1 日食足6餐…少食多餐….
聽完就食上午茶，有餅&奶~~~
由姑娘講talk + 教自己點篤手指…
再自己篤早餐後指數~~~~

搞掂吹下水就食lunch la~~

有個雞肉雜菜飯+湯+生果…
個份量完全超晒營養師講既…飯食淨左D，湯超難飲冇飲…食埋個橙~~~

抖左陣，媽咪黎左陪我…同佢食lunch..再行一陣~~

3點又上去篤手指，再用個手提胎心機聽心跳….
但因為週數未夠，要返B3照…等等等….點知都係得照…冇得聽又冇數幾多下…

再去交錢~~

返上E2 hea下等5點篤完又食飯….
夜晚食菜心，茄汁魚柳同大碗飯…

又係冇食晒…..食完係度郁下行下….消化下~~

再睇下電視hea 到8:20終於篤埋最後一次走得…..
超累，又搭的士返屋企，仲買左車仔面食XDD”~
累到爆~~好彩今日篤手指D數據好靚~~~

第1次政府產檢 (13weeks 2)

今日第一次返QE產檢
10:00先去登記再上B3~~
原來每次返黎都要帶空腹小便，但之前冇講過，我又食左早餐，都照留啦!
但有D超標，姑娘叫飲多D水，再留多次test多次~~~

再度血壓 & 磅重….再輕左多DDwor~~hahaha…飲左好多水，去留第2次小便…

再test…點知Test完倒左D小便後，姑娘話test錯左=.=””
要留第3次….再飲水…..最慘係要test晒先可以拎排版去排見醫生!=.=

等左勁耐囉…..

終於見到醫生啦，睇慣左高醫生部高清超聲波，
再睇政府個部好似黑白雪花mon…
孖胎既關係，QE係有個多胎部門專睇，
由顧問醫生負責，每次檢查都有得照超聲波，所以係需要收費既
(當然價錢同私家爭好遠lalalalala......)

醫生會照心跳，但冇得聽又冇度有幾多下….度左頸皮算簿…
再度埋長度，但我覺得醫生未拉到最盡，
今日右邊有6.5cm, 左邊有7.1cm~~
都岩晒size wor~~~問埋醫生有冇子宮頸短，醫生話over 3cm~~冇問題

再同醫生講有少少微黃分泌，醫生就話刮D去化驗。就見完啦~

睇政府要自己抹Gel, 又要自己落床….冇服務的~~
之後等抽血…

抽完血留完小便，要再等醫生黎刮分泌…等左成大半個鐘…竟然黎個後生男醫生>O<~~

好尷尬!!!!!搞掂13:15終於走得…

政府冇得影相，又冇相拎走~~~~><"

QE飲糖水血糖測試 (12weeks 4)

雖然未正式係政府醫院做檢查，但已經要返QE飲糖水，
因為孖胎high risk + 家族有歷史，所以姑娘話要盡早做一次!

因為老公要返工，所以由媽咪陪我去.…
第一次去B3~~~
登記抽血 (個姑娘好唔pro, 未抽已經不停話我難抽血…=.=)
再去飲碗糖水~~嘩!!!超大碗….仲要暖…慢慢飲都飲晒….又唔算話好辛苦…
甜到漏je…仲頂到~~~

 

之後係QE行左一陣….

返上去坐等再抽血~~
仲有鈣思寶飲~hahahaa…

抽完血，就搭小巴同媽咪落去佐敦食魚粥…勁好味!!

希望醫院唔會Call我啦XDD”

 

------------------------------------

 

點知第二日已經收到醫院電話…><”””
我空腹血糖PASS
但飲完糖水後FAIL~~~(QE唔可以over 7.5)
姑娘話要下星期返醫院一日食3餐篤手指~~~
唉.....明明係屋企飯後冇over架嘛….
唯有再努力多D忍口啦!!!
BBs我地要一齊加油!!

第4次私家產檢+做T21 test (12weeks 2)

今日去石門見高醫生!!!屋企出發去石門堅方便，診所又大D舒服D~又冇咁多人…

早左少少到，抖左陣度血壓, 磅重，仲輕左DD ~~hahaha

好快就入去見醫生!!!

又可以見到BBs啦!!
今日兩個都好活躍，揮揮手….

醫生話兩個頸皮都好薄，又見到鼻骨~~
睇到手手腳腳，仲數到手指仔~~
好可愛!!兩個都好乖乖…
聽埋心跳聲~~~bumbumbum~~~

因為初初政府話排唔到期俾我做oscar test, 叫我自己搵私家做~(但之後又排到做)
所以都做左D資料搜集...
坊間私家做唐氏抽血檢查，多數都係T21/ nifty...
除左唐氏檢查(T21) ，仲可以check到「愛德華氏綜合症」(T18)、
「巴陶氏綜合症」(T13)、性染色體異數相關資訊以及微缺失相關的分析。

T21 就係中大研發既始祖，而nifty就之後跟住做類似既野...
兩個test而家都會係HK Lab度做test...
不過呢nifty就比較海鮮價，我聽過由$2800-$6000不等 (覺得好怪)
而T21 就大約$6000-$6800
最後我揀左做T21 (因為中大有信心D外，高醫生診所都係得T21揀hahaha)

所以係診所抽埋血做T21~ 3-5日後就有電話報告啦!!

仲可以知性別tim~~因為T21 可以驗埋有冇Y染色體

如果單胞胎，有Y既即係仔仔, 冇Y既即係囡囡

但醫生話孖胎...就會有以下情況~~

冇Y既即係孖囡

有Y既就可能係孖仔/ 龍鳳胎~~

咁要再做結構時先可以confirm lu~~

 

另外因為要抽血做Test, 如果單胞胎既約10W血液濃度應該可以去做~
但醫生建議孖胎就12W先去抽，就穩陣D, 唔使到時血唔夠濃再抽多次嘛:P

第3次私家產檢 (10weeks 3)

今日又可以見到Bbs la!!!

但因為老公要返工請唔到假….唯有自己一個去啦!!

今日去返女醫生度睇，雖然部機冇高醫生咁清…但平D嘛~haha
(女醫生12週前孖胎$800/次, 高醫生$1600/次 好貴><")

去到原來要度血壓，冇咩心理準備，所以好緊張，上壓有D擇界~

好快見到醫生…肚照….好快就見到Bbs~~~~
好乖乖又長大左喔….見度你地各自都郁左下…好得意呀~~~

今次冇咩問題問醫生，俾埋錢走得….

 

發覺自己去度親血壓就超緊張...好易升高，

所以決定要買返部係屋企....得閒就度，習慣下先~~

第2次私家產檢 (8weeks 4)

Bbs我地又見面啦!!
今次轉左醫生，去左上網好多人讚既高錦安醫生睇..
(原來高醫生之前係QE度負責睇孖B架!!)
約左12點，好多孕媽媽呢….登記+等….差唔多1:30先見到醫生
(TST係好多booking, 所以之後我轉左去沙田石門睇，又近又方便)

同醫生簡單講左兩句，就訓上床照….
8weeks已經可以照肚lu~~(不過要急小便照)

高醫生部機清好多呢…

好快就照到Bbs…度左身長，岩size!!!!

醫生仲播左Bbs既心跳聲….bombombombom真係好可愛❤~~
兩個都好乖乖…問左醫生好多問題…
又要再等兩星期先再見啦!!~~

檢查完好開心，同老公去左食pan de pain pancake 做下午茶~~❤

 

第1次私家產檢 (6weeks 3)

係confirm Bingo後，就book產檢啦!!
因為朋友話早期既都可能要陰照先照到...
所以我揀左個女醫生 (冇咁尷尬嘛><")

既緊張又期待....
因為有心理準備可能未有咁快見到閃閃...
我但求bb岩位置就ok!!

點知一照....
好明顯見到兩個圈圈.....
醫生話: 孖胎呀~~


第一下係好surprise, 但係之後驚多過喜...
因為孖胎所有野都係High Risk!!!!~~

醫生話孖B位置正確，仲見到蛋黃(即係阿B), 仲隱約見到閃閃tim 呢~~

真係超感動!!!~~~

而醫生寫預產期係12/12/2017~~

呵呵，好有緣呀~~同媽媽我同日生日!!!

雖然知道bbs一定會早少少出世，但至少有張紙寫係同我同日呀~~XDD"

睇完醫生，就搭的士上QE排期….

5月23先第一次見助產士…….
拎左覆診紙走得lu~~

期待過兩週再同bbs見面>3<

慶祝第一次產檢，

我地落左TST去食lady M~~yummy!!

又真係幾好味wor~~(out 精第一次食!!)

 

跟住落黎要開始煩惱twins的事情....

Bingo 了!!!

結婚4年多...一直期待你的來臨...

終於2017年4月某日....

BINGO了!!!

唔係第一次用棒棒...但第一次見到POSTIVE!!!

是多麼的興奮&感動!!!