K1幼稚園面試內容分享 (超詳文)

幼稚園面試一切都塵埃落定啦!!!

上星期亦都去左註冊交錢lu~
呢場遊戲過程比想像中輕鬆XDD

孖媽幫babies G報左5間K~
最後in左3間，因為有心儀既收左…
所以都冇去in剩餘2間…

分享一下3間幼稚園面試過程~
一間係九龍塘熱門學校
一間係沙田區風評好既辨學團體學校
一間係沙田區都好出名既宗教熱門學校

1)九龍塘熱門學校

係babies G第一間面試既幼稚園!!!
超多人，我地11:30已經籌號係600幾~~
預左要等好耐!!!不過操場都有好多野玩~~

面試係2個小朋友+家長一齊group in~
我朋友孖胎係一齊in，但babies G係分開左~

面試過程:
1) 問咩名 （哥哥有問有答，妹妹冇問）
2) 指眼耳口鼻 （哥哥做到，妹妹唔出聲）
3) 推波波 （哥哥做到，妹妹唔郁）
4a) 問巴士的士同顏色 (妹妹答岩晒)
4b) 問香蕉橙同顏色， (哥哥答岩晒)
5) 玩路軌玩具, 將波波推向終點 （兩個都識）
6) 送餅多謝推凳拜拜

第1次面試完~
兩個表現孖媽都好滿意呀!!

最後學校係有收到babies G 上午班。

未interview前，呢間學校都係孖媽心儀之選，
但interview後，就算佢地收左bbs，我都冇take offer既。

因為interview當日孖媽覺得佢地安排失當，
完全冇優先考慮小朋友既感受。

當日係由一個老師去分配唔同學生去唔同面試室interview~
我地係面試室門口等左超過30分鐘，
小朋友唔可以走黎走去，走廊又曬到勁熱….
而隔離課室遲過我地既小朋友都in完走埋….
我地仲要等…等……等…..
最後另一個老師先話我地課室4個老師
有3個去左食飯所以等咁耐，會再安排我地去其他課室in….
完全覺得佢地安排超差。當然係我個人感受，所以就冇再考慮。

2)沙田區風評好既辨學團體學校
呢間幼稚園之前開放日參觀過，第一印象唔錯，
校舍大，又有天台又有自己操場，好足夠活動空間。

報到之後，就入課室聽約15分鐘簡介會。
完左就可以即刻入課室interview!
一個family一台，台面有唔同玩具玩，
老師就會黎開始interview

過程係
同老師早晨，
要拉開索繩袋 拎車車出黎，問顏色，拉埋索繩袋
疊杯，玩動物拼圖，問眼耳口鼻，指爸爸媽媽
送蘋果問咩黎，顏色，講謝謝拜拜老師。

之後家長有份問卷需要填返，
大約都係問點解揀佢地學校，
問D關於小朋友既問題。

由入門口到走唔需要1小時，超順利!!

而babies G面試表現都好好，
有問有答，係妹妹比較怕醜少少

最後學校亦都收左babies G上午班!!
我地係take左offer既~yeah!!
孖媽真係好中意佢個校舍，而且面試完對老師既感覺都好好。

3)最後一間係沙田區都好出名既宗教熱門學校

收到面試通知時，有提醒家長要帶筆填教育理念問卷~
好彩網上都有分享大約會問咩，等自己好好預備

- 平時邊個照顧BB
- 同BB日常有咩活動
- 點解揀呢間學校
- 你欣賞BB既地方

家長要先填問卷，入課室時就交俾老師。
4個family 一齊入課室interview

Babies G一台，台面有玩具有圖書，
老師會建議家長同學生一齊玩玩具，老師從旁觀察~
之後老師會逐台坐低，問下小朋友問題，叫咩名?
顏色，玩緊咩玩具，講下圖書入面既內容。
再問家長問題。

之後老師會去其他台，
係課室入面差唔多40分鐘。
都比想像中耐，
最後老師送貼紙講謝謝就可以離開。

當日妹妹有D痴身，玩左一陣就唔肯自己坐要爸爸抱住…
而台面得2樣玩具+1本圖書，要陪佢地坐定定玩40分鐘~
孖媽都覺得幾難(玩具又唔係佢地中意既)~
所以bbs表現普通(冇大吵冇喊冇落地都已經好叻)
最後當然冇offer la~~hahaha

經過呢3場面試，孖媽非常滿意bbs既表現。
證明細B既佢地能力唔弱。
而每次面試除左幼稚園揀學生，
BB都會表現佢地揀唔揀間學校~haha
希望未來3年你地會好好享受校園生活!

#K1面試 #細B
#幼稚園面試
#有興趣知邊間幼稚園可以pm哈