如果你問我
#第一胎陀孖b舒服啲? 定
#第二胎陀細佬1個輕鬆啲?
第一胎陀孖b舒服輕鬆太多啦!!!!!!!!!!!
第一胎,
唔使湊小朋友(最最最主要),
只需要照顧好自己,
想食就食,想訓就訓,嘆係度狂hea又得~~~
同埋當時孖b係肚內好乖,
又可能空間有限,好少狂郁狂踢...
所以10個月完全蜜月期,
同老公周圍食好野,行bb展,
入院前1日仲去左銅鑼灣行街食咖啡弄~~haha
第二胎,
其實細佬都好乖!
如果唔係我都唔會4個月先知啦…
但可能要湊住2個大既…
訓左係度都要彈起身,
以佢地為先,加上疫情被困在家...
成日都好悶好攰~
到後期細佬發力,係咁move it move it!!!
狂郁狂踢狂墜...
起身坐低都痛,行到成隻企鵝咁….
但我依然都幾享受心連心既感覺,
如果唔好餐餐食飯都頂住我~wakaka
有左第1次既經驗,
大家都理所當然以為準媽媽應該應付到....
但其實每次懷孕既體驗感受反應都係獨特既…
身邊人更加要多D體諒照顧2胎媽媽~
所以唔怪得好多媽媽分享,
第2胎要更有勇氣!!
真係攰好多~~~