Babies G Happy 7 months!!!

眨下眼又到22號~

babies G 7個月啦!!!

今個月冇蛋糕食~
因為22號當晚孖媽先係日本返香港...

本身諗住唔太夜返到都可以簡單慶祝下...

可惜飛機delay左3個小時，返到屋企都11點半啦...

bbs已經訓左lu~~

7個月既bbs又有好大進步!!

坐得好穩陣，兩個仲可以扶住自己企一陣啦~

妹妹企得好穩~~仲識得向前爬~~

哥哥隻手識拜拜...暫時only識倒後爬...

食野依然係哥哥叻D~~

哥哥已經可以用粥仔代一餐，但妹妹冇咩耐性..食多幾啖就唔願食~~

所以係奀豬妹~~不過妹妹已經有兩隻牙仔爆出啦!!

奶奶都係維持5安!!!

印出你的「面書」

 

早前在網上看過一篇訪問，
千禧後的學生說facebook是老一輩的人用，
他們不用facebook的，是爸爸媽媽或者是爺爺嫲嫲才會用。

吼~~~~~~~~~~~~~~~~~~~~~~~~~~~~
不是吧!!!對於新手孖媽我，facebook仍是我日日常用的社交軟件耶…
(人家才不是老一輩呢><”)
好吧好吧，我承認我是個中女好了…(青春，你在哪?)

 

用了facebook也超過十年了，它一直盛載著我滿滿的回憶。
從我學生時代，到社會工作;
從我跟老公拍拖，一齊去第一次旅行，求婚結婚，
到現在生了babies G。
所有一點一滴的回憶，facebook也有珍藏著。
曾經想過，有一天沒有了facebook怎麼辦??

孖媽是個很喜歡紙張質感的人，未有小孩前很喜歡做手作，
玩scrapbook整album，結婚時瘋狂DIY了很多不同的東東(有人想知嗎? 我可以分享耶)，材料用具買超多der…
可惜自從懷孕後，用具材料就被收起來。
孖媽總覺得可以摸上手，閒時可以拿出來翻一下的相簿，
感覺比在電腦/電話看好多了 。(還不承認自己是老一輩?)

 這次很高興，受到了Ipastbook的邀請(謝謝朋友的推薦喔!)，
將Facebook的相片及文字製成一本書。

過程超簡單!!可以挑選個人facebook account 或者facebook 專頁 (facebook fanspage)，
之後只需要幾個簡單的步驟，就可以印製成獨一無二的回憶錄。

封面有不同設計可以選擇!


印刷前可預覽內容

由下單至收件，幾天就到了。
包裝很精美，而且包裝盒很挺身，確保書不會被壓毀。

書背也會有書名及名字，在書架時也可輕易找到想看的。

孖媽今次製作了babies G專頁的相簿，會按日期自動排序。
重溫由陀babies G一刻開始，到出生後…
一點一滴回憶上心頭，真的超感動。
陀雙胞胎不容易，過程真是關關難過關關過…
看見他們健健康康的出世，是我一輩子最難忘的時刻。

除了facebook的照片及文字，可以再額外增添照片及句子。
孖媽Fanspage有些相片會cover了自己的樣子，
製作相簿時就可以換回有樣子的相片呢。

 

未來babies G長大後，也會跟他們一同細看，
跟他們細說小時候的每一刻。

Babies G都好有興趣呢~

 收到相簿後，已經很心動再製作多本，除了給自己的回憶，
也想製作給婆婆，讓婆婆也可以重溫陪伴孖孫的各種動人時刻。

．將你的臉書點滴，變成一本書．

IpastBook：
網站：https://m.ipastbook.com/?sourceId=a7d2749e14
Facebook ： IpastBook

----------------------------------------------------------------------------------------
facebook page : 龍鳳Babies G & 孖媽Gloria
邀稿/合作: twins.babiesg@gmail.com

親子裝分享- 冇得出街都要online Shopping!

孖媽以前同老公出街/去旅行時都會著情侶裝襯下影相。
但我唔中意一式一樣既款，多數會係布質/pattern/顏色上去夾返~
最簡單就係牛仔/間條~衣櫃入面一定有…哈哈

到babies G岩岩出世時太細粒又係冬天，一團飯咁著咩都要包厚被!
而家6個月大啦!!!出多左街~~當然一定要襯返套親子裝啦!!

 
被困在家既孖媽，當然都係online shopping XDD”
買左兩set唔同既親子裝!!
一套最簡單灰白間條，爸爸果件係u記買既，
另外媽咪同bbs 3件就係網上買，好平，質地仲好好，好舒服~~

另一set就係兔仔tee~~本身自己中意兔仔所以打算只買俾自己XDD”
因為台灣買要運費，反正買幾多運費都係一樣，咁就買埋俾babies G 啦!!
菠蘿兔勁得意…買得3件…又不如買埋俾爸爸啦!!
男裝款都唔錯…一變四，明明打算買1件又變左4件啦~~

 
期待一齊著出去影相呢~~(但唔知幾時)

同場加映： 本身去台灣網係打算買kanahei 衫🤣好靚️️

----------------------------------------------------------------------------------------
facebook page : 龍鳳Babies G & 孖媽Gloria
邀稿/合作: twins.babiesg@gmail.com

［長文］哥哥的小腸氣手術

倒帶回到今年的農曆新年，妹妹唔舒服，有發燒同咳咳，
帶左妹妹睇屋企附近的家庭醫生，有好轉，可惜仍然有咳咳。

係屋企已經盡量分開兩個BB，但哥哥仍然都被傳染…
始終BBs只有3個月大，
所以公公就建議出佐敦去睇孖媽由細睇到大的兒科醫生。

睇醫生的前一晚，爸爸幫哥哥換片時，發覺人魚線位附近脹左…
都唔知咩事，但一陣間再睇就平復返。

到第二日，兩兄妹出佐敦睇醫生，那位醫生係兒科界都頗有名氣，
所以孖媽要門都未開就衝出去係大堂排隊，夠鐘再衝上去掛號。
之後再請公公婆婆帶babies G出黎。

知道呢個醫生嗎?haha~睇醫生都要影張相XDD"

 

放棄容易堅持難的人奶路！1st check point

終於到左第一個check point!!!!
6個月!6個月!6個月!
俾D掌聲鼓勵自己~~~~~

懷孕時曾經幻想過D人奶可以打爆個雪櫃，
出世後覺得夠兩個食已經好好~~
而家雖然都要補1-2餐奶粉，
但曾經都試過幾個月全人奶…而家半人奶~
我要俾個大讚我自己!!!yeahyeahyeah

 

人奶路放棄其實好容易，轉食奶粉仲好方便，又慳時間!

(我係泵媽，泵20-30分鐘，再餵再洗)
有時朝早又要早D起身泵，夜晚訓前再泵…真係會好累~
但為左俾更好營養更好抗體俾Babies G~~
每次都會叫自己再堅持!!!!
1歲啦!到1歲再算~~~
始終1歲前，奶奶都係bbs既主食~~~
能夠令我繼續堅持，除左係bbs之外，
都要好感激婆婆公公同老公既體諒同支持~~
婆婆每晚要等我泵埋奶先可以回家休息，幫我照顧bbs
到而家仲成日煲魚湯，木瓜花生湯俾我飲~

公公餵奶個陣，如果淨低少少係奶粉既就放棄左，

但知係人奶既，佢就會有耐性餵埋俾BB飲~唔會浪費!
老公又會主動洗烚奶樽做多D家務等我休息~~~

 
當然公司能夠俾到我每日兩節既泵奶時間，都係好大源動力!
返工時間咁長，冇得泵真係好快收奶~~

我同babies G 都好幸福!!!

加油!!!向第二個check point GO!GO!GO!

----------------------------------------------------------------------------------------
facebook page : 龍鳳Babies G & 孖媽Gloria
邀稿/合作: twins.babiesg@gmail.com

Babies G半歲啦！

Happy 6 months Babies G️
媽咪唔捨得你地大得咁快～
半年時間一晃眼就過️
 
6個月既你地～
食仍然唔係好多，4-5安之間。
開始學食糊仔，兩個為食都食得唔錯
會追住食，主動擘大口食！
哥哥第一啖已經吞得好乾淨！
 
同我地之間多左互動‍♀️多左反應！
開始識得認人，同公公爸爸玩好開心
識得伸手拎玩具，識食腳趾，

眼睛識跟隨物件左轉右轉

5個月仲未識反身，5個半月忽然反到～
就成日反身，妹妹仲反得好快！

仲覺得妹妹開始識睇反應，識呷醋！

哥哥唔舒服有時會抱得多d，佢會望住，
哥哥喊即係跟住喊+尖叫。
但妹依然比較抵打，訓醒識自己玩～
坐定定hold得比較好

 
都要讚下自己！
到達母乳第一個check point!
雖然而家要補下奶粉～

但仍會努力泵得幾耐得幾耐

#happy6months
#6個月快樂
#時日太快無知的小孩一晚長大
#感謝公公婆婆湊左你地半年啦
#爸爸整既蛋糕好靚呀
#數字蛋糕
#龍鳳胎 #雙胞胎 #兄妹
#母乳媽媽 #新手爸媽
#halfyearold #hkbaby
#instababy #loveuu #brotherandsister
#papamamaloveu #breastfeeding
#yansfamily

「對孩子最好的禮物是陪伴！」

#很有感
哥哥因身體的小狀況，
這兩天進了醫院做小手術，
已經無礙出院了。

不用擔心‍，遲些再詳講。

 

因兒童病房係可以24小時有家屬陪伴，

所以孖媽同爸爸呢兩日都留在病房中照顧哥哥。
感激公公婆婆留在家照顧妹妹，
我們才可以安心照顧哥哥。
 
病房內有6個小朋友/BB，
孖媽只係短短兩日留在醫院，
就已經百般滋味在心頭
很想在此宣洩一下

一個差不多兩歲的小朋友，

由出世至今都未曾離開醫院回家過夜。
因身體的問題，她雖然可以坐可以站，
但身上的喉管是不可拔走的。
跟她媽媽傾談間才知小朋友是雙胞胎的妹妹，
可能自己也是twins的媽媽特別有感，
照顧兩個健康的小朋友已很不容易，
妹妹還要長期住院。真的很想替爸爸媽媽加油。
可幸的是妹妹是個開朗的寶寶，常常笑，
說話亦伶俐。祝福妹妹很快可以出院回家。

有兩個是內地的小朋友，

只能說他們說話真的很大聲很吵，
及他們的衛生是不敢恭維。

特別其中一個媽媽，
從她說話中感覺到她只考慮自己留在醫院很久很累，很想發脾氣。
而她的小朋友又不穿鞋四處走，
經常比姑娘提醒要穿鞋，
她只回應: 小朋友沒有鞋子。
真的很想爆一下，她回家洗澡睡覺換衣服回來，
都不替小朋友帶鞋=.=，
而且她經常大聲喝罵小朋友(因小朋友阻礙她玩電話=o=”)，叫他不要吵，

最吵是媽媽你自己好不好。

最有感的是一個1歲的小妹妹，
她的媽媽早上帶她入院後，
到隔天哥哥出院都沒有再見到她的媽媽。
下午有一位親人到院餵她吃粥，逗留一會又走。
整天都是她一個，在床上玩玩具，哭到累就睡。
重點是聽到她的媽媽話要去朋友飲宴，
而且很累，把女兒留在醫院有姑娘照顧就可以。
真係好想爆「你點做人呀媽架!!!!」
小朋友不舒服入院，係一個陌生的地方已經慘，
仲要留低她一個。她只得1歲!!!!!!
她可以站立，所以要穿束衣怕她會爬會弄傷。
每次當姐姐/姑娘替她換片餵食，她就大哭。
我能感受她是想尋求安慰抱抱的哭，
想有人陪伴的哭。所以當老公/婆婆都在時，
我都會過去陪她玩一會，那怕是一會陪伴也好。

小朋友很簡單，他們不需要什麼物質，

最渴望就是爸媽的陪伴。
有爸爸媽媽在，一個簡單既玩具，
或者只是一個廁紙筒，他們也會玩得十分快樂。

請珍惜和小朋友相處的時光。

#我一定做唔到護士
#接受唔到被掉低的小朋友
#返工會日日喊
#我是經歷很多才得到babiesg
#很多人想要小孩卻沒有
#得到的卻不珍惜
#這世界就是這麼不公平
#可能係我諗多左
#姨姨希望小妹妹以後會有珍惜她的人
#對孩子最好的禮物是陪伴
#做媽媽後感受特別深
#難怪朋友這麼眼淺
#而家我都係

#龍鳳胎 #兄妹 #有感而發

----------------------------------------------------------------------------------------
facebook page : 龍鳳Babies G & 孖媽Gloria
邀稿/合作: twins.babiesg@gmail.com

我的第一個母親節

今年好特別喔！
有Babies G陪我過母親節～
媽媽這份工作實在不容易，

我每天還在學習中...‍

謝謝婆婆無條件的付出...

除左照顧孖孫外，
就係為左我呢個女兒唔好太辛苦...
媽媽很偉大，婆婆是更偉大️
無婆婆，就無我地
我們愛婆婆️

謝謝老公送美美的花&甜品
大愛喔～～～
木棉花花語
珍惜身邊的人，珍惜眼前的幸福

#tiffany色花花大愛

#raspberrymacarons甜品好好味
#母親節快樂
#happymothersday
#龍鳳胎 #兄妹 #twins
#hkbaby #cutebaby #babyboy #babygirl
#ilovemum #ilovemama #ilovemymother
#thankshubby #mylove

新車出巡- 購買BB車心得分享~

Babies G有兩架戰車，1架孖B、1架單B
但係香港孖B車的確不太用，路又窄，上車收車又麻煩。
而且本身架孖B車很重，又不能夠獨立企…
所以除了特別飯局外，一般我地都係兩條孭帶+1部單B車就出街。

 
未出世前親戚俾左部有牌子既單B車我地，但最近個碌壞壞地…
所以決定入手買過一部新既!!!呵呵(孖媽最中意shopping )
用左一排BB車都有D經驗，再去Aeon, 一田同健康院
(無睇錯係健康院，咩牌子咩車款都有XDD”)，了解自己需要咩車款。

對於買新車有以下要求:
- 要單手可以開/收
- 要輕
- 收車後可以獨立企
- 高景觀
- 可平躺

要知道係香港買一部BB車都唔平，有朋友s都係淘寶買左唔同BB車都讚!
孖媽都決定係淘寶搵搵心水車..
好多人都推薦好孩子，而且成日行商場都見人推…可惜不是孖媽杯茶。

搵左好耐，睇過無數BB車既介紹及評價。
最後孖媽揀左呢部，完全附合晒以上要求外，仲係粉紅色XDD”
好靚呀~~(難為呀仔都要坐粉紅色hahaha)
  
收到貨，好易安裝…裝上車輪，同埋太陽檔就完成。
BB車包左蚊網，車墊，杯架
仲係5點式安全帶，有個天窗
好岩心水…

 
開車收車，一手搞掂，而且非常輕巧，單手拎入車尾箱都冇問題
而且好好推…收車後上巴士好細架
 

高景觀，可以推埋台就一齊開餐 (扶手可壓低)
抱B放B時，大人條腰又唔使彎太低
而且推B行街過馬路，太低其實好近車噴出既廢氣…
高少少空氣應該都好D
  


暫時覺得爭D既係
如果開車時可以唔使烏低就更好..
同埋如果車仔掛左玩具時，收車就要拆左先收好。
不過overall都好滿意呀!!!!價錢又唔貴。


----------------------------------------------------------------------------------------
facebook page : 龍鳳Babies G & 孖媽Gloria
邀稿/合作: twins.babiesg@gmail.com

母乳媽媽都岩飲- 日本15特選野菜粉

 

如果問母乳媽媽最擔心既係咩?
當然係奶量唔夠、BB有冇便便啦!!
有時返工太忙飲水少左，
情緒麻麻都會影響孖媽既奶量。
雖然孖媽唔會太在意一定要全母乳，
始終兩個，唔夠就補餐奶粉!
不過有時見到自己泵少左都會有少少唔開心…

 
今次試飲左 #日本15特選野菜粉，
每包野菜粉由15種日本九州地區既蔬菜🥦做，
含有15種蔬菜營養。
包括膳食纖維、維生素、礦物質等。
更有助暢通乳腺，保持奶量️，
而且多食鐵含量豐富既蔬菜，
可以增加乳汁中的鐵含量，有助寶寶生長發育。
一開始飲都怕會有D草青味…
咦，又有無bor…
味道有D似飲緊綠茶，易入口。
飲左一個星期，奶量維持得唔錯
Keep住飲希望幫孖媽提升免疫力，
排走身體毒素更有精神去照顧Babies G
15種蔬菜包括:
苦瓜、圓白菜、胡蘿蔔、西蘭花、小松菜、
蘆筍、牛蒡、羽衣甘蘭、荷蘭芹、蘿蔔菜、
南瓜、芹菜、菠菜、白蘿蔔、大麥若葉！

剖腹產的半身麻醉紀錄

   

早前在網上看到這支針..
自問抽血打針都不怕，
但看到這針還是嚇一嚇

這支是「剖腹生產用既-半身麻醉針」
生產當日我背後原來打了這支針
幸好事前不知情，否則一定超害怕！

懷孕時唯一有一點遺憾是
老公不能陪伴在我身邊陪產！
政府醫院+雙胞胎剖腹是不能陪產的。
手術前一晚緊張得睡不著...
叫自己好好記著babies G在我肚內的時刻...
一早就起床換手術袍做預備...
老公在門外等我，一直陪我搭lift到手術室...

推進手術室後，
就好像電視劇一樣，頭頂有一盞大燈...
而且非常凍...我要光脫脫個背脊，讓麻醉師打針...
我坐在床邊，烏身向前傾，抱著前方的台...
一個資深的麻醉師帶著一個後生的...
我的背就好像他們的黑板一樣，
資深的麻醉師不停講解...

落第一支針時（好似打左好多支，
應該係麻醉左附近既部位，才打那支又長又粗）...
我成個人郁左下，打左個冷震咁...
後生麻醉師話唔可以郁架..
我都唔想郁.
就係咁維持在這個姿勢50分鐘（手術室有時鐘的）

才正式躺下剖腹。
其實整個過程都幾孤獨，
又唔可以郁，又凍...
我不停自己在心裡哼歌...
到最後聽到妹妹的哭聲，
我終於把陀左37週既bbs生產了，
感動到狂流眼淚...
其實係哥哥先出世，但哥哥的哭聲較細聲，
一回神就已經聽到妹妹哇哇大哭...

現在回想，雖然麻醉過程又長又孤獨...
但很感謝那個資深麻醉師，
她多次確認下針的位置要正確，
我仲聽到她要求拎部xray機？要照清楚...
不可以有絲毫錯誤...
所以麻醉後，我的腰部暫時沒有後遺症的痛...

順產還是剖腹產的媽媽都很偉大的...
順產會感受到那死去活來的陣痛...
剖腹產要接受那支針後，
還要在肚皮開刀（切開7層耶），
傷口復原又是另一種痛。
爸爸們要好好愛惜那為你生小寶寶的太太️

#為母則強
#媽媽都是很偉大
#有手術室是哼林俊傑的歌🤣
#一孕傻三年
#其實不是媽媽沒有記性
#而是生b後實在有太多東西需要記
#所以不太重要的就先忘了
#生產經歷應該一輩子都忘不了
#很感恩由懷孕到生產都很順利
#剖腹產 #雙胞胎 #龍鳳胎

----------------------------------------------------------------------------------------
facebook page : 龍鳳Babies G & 孖媽Gloria
邀稿/合作: twins.babiesg@gmail.com

Babies G 5個月啦！

又到22號️Babies G 5個月啦!!!!


食奶奶仍然維持係4安～呢個星期哥哥開始扭返食夜奶～
幸好爸爸返夜，收工回來剛好餵夜奶
依舊90%食母乳，係夜奶會沖奶粉～（因為快d唔使坐熱）

越黎越多反應，同佢地玩會卡卡笑～
中意聽媽媽婆婆唱歌！扭抱抱識扁咀️
哥哥係口水佬...成日wo ar wo ar講野好得意！
出多左幾次街，冇再咁大鄉里🤣

妹妹比較抵打，有時冇叫冇扭因為太抵打
而忍唔住抱抱呵～～
但如果一喊起上黎就好似劏豬咁...唔知仲以為虐待緊佢🤣


哥哥就太乖啦！成日大喊扭抱抱要繼續快高長大喔


#雖然重左又高左
#但仍然只係旁住最低個條成長線🤣
#應該知道對方既存在
#爸媽愛你們
#5個月快樂
#每月22號都慶祝下
#兄妹 #龍鳳胎
#happy5months #twins
#brotherandsister
#bigbrother #littlesister
#loveuu

簡易DIY- BB名字口水肩

 
孖媽好中意做DIY手作...繼之前幫babies G整名字冷帽!
今次就幫babies G整左有名既口水肩~~

本身上網搵過有D鋪可以繡名，但格價唔平...
就唯有靠自己啦!!其實方法超簡單!!!

買條中意既口水肩，再揀返BB名既布貼...
 
擺好位，搵紗巾隔住熨實就完成啦!!
 
簡單易做，成本又低!!整多幾條都得~~~

----------------------------------------------------------------------------------------
facebook page : 龍鳳Babies G & 孖媽Gloria
邀稿/合作: twins.babiesg@gmail.com

出街二湊二，其實都唔係好難！一家四口遊尖咀!

孖媽好中意行街，
但自從babies G出世後，行街既機會就少左好多lu~
如果1個B，我相信我都會單拖孭住去行街，
但兩個BB真係冇可能單拖…

所以每次同老公一齊放假，我都會預備好節目!
一家四口齊齊出街~之前試過幾次既經驗，
出去食個lunch，行個圈都冇問題!
時間大約係4個鐘內，出街只補一餐奶~

今次我地挑戰難度!!出街8小時，要食兩餐奶~
其實要預備既野同平時差唔多!!
一個大背囊，兩條孭帶，一架單B車就出發~
最緊要有個好隊友~

之前放假，係屋企餵埋11點餐奶奶~~
就call 車去嫲嫲屋企，同嫲嫲飲茶!
飲完茶，就上嫲嫲屋企飲奶，換片，同埋俾babies G訓左一陣覺…

之後搭巴士去TST…
先去The one影相，老公中意既one piece
再去isquare 影melody~~兼且行下babiesRus~



未夠6點再行去食The cheesecake factory!!!
點知都話要等45mins~~
我地就係隔離八天堂order左杯野飲坐低…
餵babeis G食多餐奶奶~~
食完時間岩岩好，食完就可以入座!!


一個坐車，一個輪流抱，去享受晚餐!
話說大肚個陣已經好想黎食，但唔食得cream cheese~~
終於食到~~但美式餐廳樣樣都好大碟，為左食cheesecake
打包左半個pizza & 半碟雞翼，
red velvet cheesecake好食呀!
另外仲叫左焦糖合桃cheesecake~~
好漏…

食完就搭的士返屋企~~
仲未完架，要幫Babies G沖涼，
洗埋衫掠衫，洗烚埋奶樽！先有得休息~~~

Babies G第一次離家8小時!!
攰就當然攰啦…但好彩上半場係嫲嫲屋企都好hea…
好感恩有神隊友老公，佢好配合，而且又肯包辦多樣湊B工作!
所以我地仍然好享受一家4口既時光~
希望快D一齊放假再出街XD”

----------------------------------------------------------------------------------------
facebook page : 龍鳳Babies G & 孖媽Gloria
邀稿/合作: twins.babiesg@gmail.com

滿月百日宴/開party DIY報置好推介

早排行過深水埗玩具街...
見到有間鋪頭專賣開party既用品報置，
勁多款唔同氣球、banner, 彩帶，party餐具，蛋糕裝飾等...！
勁開心逐樣行逐樣睇～

 鋪頭門面係咁

 超多唔同氣球選擇！

卡通公仔都有，sanrio disney 鬆弛熊都有好多揀，唔同size又有

 
Party hat & 餐具

 
banner 彩帶 旗仔又有

 
Party台布 蠟燭

 
Candy box都有！


氣球可以一束束咁買，包埋吹氣架～
好期待遲d有機會報置同babies G開party!

可能淘寶都會有差唔多樣既野，但有實物睇，又唔太貴！
有時臨急有用，淘寶都未必運得切嘛！要bookmark啦️

----------------------------------------------------------------------------------------
facebook page : 龍鳳Babies G & 孖媽Gloria
邀稿/合作: twins.babiesg@gmail.com