在職泵媽 -辦公室新玩意

身為一個在職泵媽...
每日返工放工一大袋，為既就係babies G健健康康食母乳。

雖然而家政府好大力推行母乳..
但行政、設備、時間，每間公司都唔同，仍然有好多地方改善。

孖媽既辦公室都算不錯，
每日有兩節各30分鐘既時間可以去泵奶，有一間房專for我地去用。

唯一唔好既就係儲存母乳既雪櫃。
孖媽office有幾百人共用兩個pantry，兩個雪櫃。
每朝雪櫃都被飯盒堆到滿滿的，
又有好多放飲品呀，生果呀...
好多飲品放到過期都已經被遺忘，又冇人清理。

最令孖媽覺得有問題係lunch time過後，
有部分同事會買餸放入雪櫃！
一袋袋係街市買既生豬肉，菜，冇再包好，就直接放入雪櫃，
試想想隔離就係存放自己既母乳，
雖然我已經將母乳放入盒內再入袋，
但依然覺得好唔衛生。而且太多人開關雪櫃，
曾經有新聞有人會偷飲人奶..唔偷飲，但被打開都唔想。

最後孖媽都係決定去買個迷你雪櫃放係自己位，咁起碼安全又衛生好多！
粉紅色好靚，睇落好細部，成個玩具咁，但都可以放到6罐可樂！


內裡空間，夠晒位放冰種同每日兩袋既母乳！


我希望babies G至少飲母乳到一歲，
起碼仲有大半年用。我覺得完全值得買！haha

----------------------------------------------------------------------------------------
facebook page : 龍鳳Babies G & 孖媽Gloria
邀稿/合作: twins.babiesg@gmail.com