Babies G影new born photo!

大肚時已決定唔花錢影孕照，
自己拎腳架出去影返幾張留念就可以
（因為覺得生左bbs後，應該會望呀b多過望自己）haha
但一定要幫bbs影newborn相！因為初生一下子就過…
要好好拍低佢地初生最可愛既樣！

 
大肚時都開始搜集影newborn photo唔同攝影師既資料～
我要求唔多，只係要上門影，
盡可能要晒全部相（唔使extra加錢)，價錢合理就可以。
好多package價錢都好吸引，但要留意好多時上門要加錢、車錢、
要晒相底要extra加錢、孖b又要加錢..咁加加下其實唔算好抵～

今次影呢間係mama group推介，有幾個媽媽影過都讚唔錯…
我中意佢地價錢係全包價，包上門包所有相底，
只係停車場費實報實銷，而且孖b唔使額外加錢！

影newborn最好7-20日內影，我地就days20 影！
攝影師同助手拖住兩大喼物資黎屋企，好快set好場地，
就哄babies G訓…babies G都尚算合作！
中途補下奶等佢地好訓d, 就影住另一個先。
由入門到離開都差不多影左3個鐘…影左多個造型！

唔夠一個月就收相啦！happy share～
孖媽永遠都覺得自己呀b最得意可愛！
好想同佢地再影呀，不過好似識坐後再影比較好️️
  
   

facebook page : 龍鳳Babies G & 孖媽Gloria
邀稿/合作: twins.babiesg@gmail.com

DIY自家制*BB冷帽*

材料全部淘寶都買到，價錢平又易整！
當然要整返兩頂俾Babies G啦！
呢幾日天氣凍就岩晒！

 
係淘寶買帽，再買badge~~
孖媽我買左好多XDD"可以襯下揀下～
.


只要襯岩位，用塊紗巾隔住一熨實就搞掂
平靚正得黎，又可以做下手作仔
滿足晒孖媽中意DIY️

facebook page : 龍鳳Babies G & 孖媽Gloria
邀稿/合作: twins.babiesg@gmail.com

淘寶分享- 蛋糕牌

一個搶眼既蛋糕！
當然唔少得一個靚靚既蛋糕牌啦！



孖媽曾經係fb訂過硬膠既蛋糕牌！真係好靚呀～
但硬膠價錢比較貴，如果想整多幾個俾babies G蛋糕真係好金下...
呢個時候當然要去偉大既淘寶搵搵啦！

淘寶店包埋簡單設計，質地係foam～
仲有好多顏色揀價錢只係人仔約20蚊左右...
真係整多幾個都唔肉赤XDD"滿月、百日、半歲都岩用


再分享返之前係香港整既硬膠蛋糕牌，價錢=淘寶整7-8個架～

 

facebook page : 龍鳳Babies G & 孖媽Gloria
邀稿/合作: twins.babiesg@gmail.com

Babies G滿月啦！附簡易紅雞蛋做法～

今年冬至好特別，
因為都係babies G滿月既大日子。
不知不覺我都做左孖媽一個月啦！
開始習慣呢個身份，照顧兩個BBs真係好忙，
每日無限loop餵奶掃風換片泵奶～
好彩有婆婆同老公幫手
呢刻希望佢地快d戒夜奶，等大家夜晚有覺好訓！
二重唱既夜晚真係好易令人發癲hahaa~~~

 

滿月有個「洗蘇」儀式...
寓意大個仔大個女，冇左蘇蝦味～
先用碌柚葉煲水，再加上蔥&芹菜幫bb沖涼！
咁就身體健康，聰明伶俐，勤勤力力啦！

 
 而滿月大日子我地都有按傳統向親戚朋友派紅雞蛋，攞返個好意頭。

傳統既紅雞蛋係用花紅粉染色，
不過食完隻手紅當當，好鬼難洗！
今次，我就用個新方法整紅雞蛋，
既保持傳統，又唔會整污糟手，而且重簡單方便添，
秘密就係用紅色既勞作玻璃紙喇！

 
將烚好既雞蛋，攤凍之後用紅色玻璃紙包好，
再用金色既包裝鐵線扭實，就包到靚靚既紅雞蛋喇！

收到既親友都大讚呢種紅雞蛋又靚又有心思，
希望大家下次滿月或小朋友生日派紅雞蛋，都試下呢個方法！

最後happy share龍鳳b個滿月蛋糕，好靚又好味！
 

facebook page : 龍鳳Babies G & 孖媽Gloria
邀稿/合作: twins.babiesg@gmail.com

哥哥的猛長期？

平和哥哥多數只會有需要先會喊...
要食奶奶換片片時會細細聲喊...
醒左冇需要就會自己係床仔眼仔碌碌～
非常抵打

但早幾日除左密密食，食多左之外..
仲會扭計喊扭抱～
（唔通學左呀妹d曳野）
早兩晚成1點鐘...兩個都眼仔碌碌唔肯訓
一放落床就喊，抱起就收聲
婆婆訓左，爸爸未放工！
孖媽我唯有一抱二湊住先...
仲有手可以影相...

但最後頂唔順，都係叫醒婆婆，
一人飲多餐先肯訓～
上網搵過，踏入第三週，會進入「猛長期」


由嬰兒出生到半歲期間，
新手媽媽們定時定候即要辛苦應付歷時幾天至一周「唔方便的日子」。
我所說的，是嬰兒「猛長期」。

「猛長期」(growth spurts)，通常發生在
初生第三週、第六周、三個月大、六個月大、九個月大。
滿週歲後，於學步期和幼兒期仍會不時「猛長」，
不過出現的次數隔得較疏。

在此期間，嬰兒要吸收更多養分，
需要更充足奶量，身體發出催促成長的訊息：
「BB，你是時候長得更重更高大了！」
嬰兒遂整天整夜向媽媽索奶，
會從每三小時一餐，加密到一小時一餐，
就算飽得快要吐奶還是不禁繼續的吃，
睡眠時小嘴依然做著吸啜的反射動作。
這段時間，媽媽們需要暫時完全忘記原來的作息時間表，
不單日間繁忙、出街麻煩，到了晚上更會頻頻被BB「摷醒」變熊貓眼。
以「唔方便的日子」形容「猛長期」，實在不誇張。


facebook page : 龍鳳Babies G & 孖媽Gloria
邀稿/合作: twins.babiesg@gmail.com

QE產科私家房小分享

身為鐵飯碗小薯既我...

份工冇花紅冇雙糧...
終於都可以因為生，享受到僅有既福利


QE可以接受鐵飯碗人士誇區登記產檢🤰&生仔！
同事都推介QE，所以住新界既我都去左登記！

只要入院時撻朵，講明係鐵飯碗人士，
就會自動幫你排隊上產房私家房！
但數量有限，都要等有位先上到房...
我好好彩提早一日入院，中午入院，
黃昏已經排到上房！私家房種分2款，

頭等房係單人既，二等房係2-3人！
而我今次排到既係2人房
靠窗位置，個view都唔錯，夜晚仲睇到部分幻彩fing香江！
直望電視，廁所又夠近

  

除左有個櫃桶外，仲有張sofa位+攬枕方便埋身餵奶～
床邊位都夠闊，推得入兩張床
  

膳食方便，麻醉後頭兩日只可以食流質/粥～
開始食返正餐後，就有餐單俾你揀食咩，
冇睇錯，生完既甜品係有雪糕揀，
而且仲有菜乾湯/粉葛湯呢d大忌

 

至於們因為麻醉後未上得切奶，
所以都補住水奶先，近期飲能恩，
又冇傳言中咁難飲wor(我有試味架）
 
今次係QE開刀好順利，
所有姑娘同姐姐都好好～
特別頭幾日落唔到床，完全幫我照顧孖b~
讚

facebook page : 龍鳳Babies G & 孖媽Gloria

邀稿/合作: twins.babiesg@gmail.com

11.22 Babies G 出世啦！

11.22Babies G 出世啦！

真係好感動又感恩～～

 
21/11
因為係QE 預約開刀，所以提早一日就入院預備！
食左個澳牛早餐就入院！
其實第一日超悶～～～
都係抽血，見左麻醉科醫生，之後就等第二日啦！
好好彩，入左院半日就排到上公務員二等房～
（遲d再詳講）
可以休息下預備第二朝第1個開刀～
不過可能緊張，呢晚訓得個半鐘….

22/11
今日6點幾就起身梳洗～
姑娘7:30黎幫我換衫插尿喉…
8:15就準時出發落D4手術室！
由於半身麻醉關係，全程非常清醒🤣
手術室麻醉科、醫生連護士around 10人
由8:30開始麻醉，有兩個麻醉醫生，
一個senior帶住junior 係度搞….
要我坐係度彎向前打…前面有個姑娘頂住我唔俾我郁
係我背部mark晒位…打左好多支局部麻醉…
都唔知幾時先正式打個支麻醉針！

當我訓低預備開刀時係9:20 lu~~
搞左成50分鐘
之後開刀過程就俾塊布遮住lu~~~
雖然話半身麻醉唔痛，但係feel到不停有人郁緊個肚
個感覺都幾得意！

之後聽到有人講 第一個9:35分 貓
再推下個肚 第二個9:36 花貓
（好快我就get到貓=male; 花貓=female🤣）
聽到佢兩個既喊聲，特別妹妹喊得好大聲！
我d眼淚就係咁流….收唔到制咁…
真係好感動感恩，陀左你地37週終於出世啦！

好快姑娘先推妹妹俾我確認性別，再話我知重2.48kg
再推哥哥黎確認性別，2.23kg~~
佢兩個重量岩岩合格，姑娘話冇咩大問題，
會先推去病房等兒科醫生檢查，我就繼續聯針…
10:05就離開手術室…
去隔離觀察麻醉後有冇事～
11:05姑娘黎接返我走，正式離開D4，上返A11病房。

一出去婆婆同老公已經等緊我…
由於搭lift超「鄧」麻醉後又被推黎推去…
去到A11門口，我已經頂唔順係咁嘔….
返入房過床後再嘔…由於禁食太耐冇野嘔…
黃膽汁都嘔埋…

孖b檢查完，就推左黎我床邊…
影我地第一幅既合照！
一家四口‍‍‍，好圓滿
其實我未落得床起唔到身，
個下唔係好睇到佢地正面樣，
都係老公影完send俾我睇🤣🤣
佢地細細粒好得意呀心肝寶貝！
探病時間過左…
老公佢地要走先…
我就留係床休息，孖b就暫時交俾姑娘照顧啦！

facebook page : 龍鳳Babies G & 孖媽Gloria

邀稿/合作: twins.babiesg@gmail.com