第9次 最後一次政府產檢 (36weeks 3)

本身政府35週檢查完...就叫我直接37週返黎入院開刀!
今次36週產檢，係我主動問醫生R返黎XDD"

每次產檢前...我都會同孖B講，我地去睇醫生要乖乖地...
俾醫生照到晒....etc...
今次我同孖B講，今次係最後一次檢查啦!!!
要俾醫生照到呀~~爸爸今次要返工，由婆婆陪我地去檢查!!
乖乖地...我地今次隔住個mon見，下星期我地就見面啦!
講講下自己都想喊....haha~~

由於姑娘話今次檢查係攝期，所以我都係第一次下午先去QE~~
所以好似好快唔使一個鐘就見到醫生啦!!!
婆婆係第一次陪我去QE檢查!!
今日照耐左DD，因為可能太迫，比較難搵呀女隻大腿圍度...
呀女依然差唔多重，反而呀仔就追返上黎!!
叻叻~~兩個都有5磅!!!!仲有一星期，我地要繼續加油!!

醫生度心跳血流胎水，一切正常!!!
婆婆搞笑地問咁有冇度下IQ高唔高XDD~
醫生都笑佢，咁我話不如照埋靚唔靚仔，靚唔靚女XDD"~

最後confirm上次B鏈驗冇中!!good~~~
下星期就見面啦!!bbs~~~

第9次 最後一次私家產檢 (36weeks)

估唔到咁快就去到最後一次私家醫生產檢lu~~~
36週~孖B乖乖地下星期就會出世啦!!!

其實今個星期政府都有安排到產檢可以唔使返私家~~
但因為孖B越黎越重，越黎越墜...
而且返工坐得耐，條腰好痛...
所以都去睇下私家順便拎病假直至生~~haha

今日返私家照，BBs都好迫咁~~~
磅重同早幾日係政府磅差唔多~~
醫生都話BBs心跳血流胎水都好好!!!
醫生最後送多兩罐奶粉就完成產檢啦!!

懷孕後期- 清胎毒?

之前曾經睇中醫，佢話我濕氣唔重，
又冇水腫 (touchwood仲帶到結婚戒指XD")
所以冇需要清胎毒...

而且孖B會係37週開刀，怕太早食涼野對佢地唔好~~
所以35週開始，我就扮晒清小小胎毒為名...
實質就食D之前想食想飲既野XDD~
hahahaha~~

本身好想食西瓜，可惜西瓜已經唔當造la...
之前入大埔買左腐竹，就煲左腐竹雞蛋糖水，順便當入秋滋潤下~~

仲飲左好耐冇飲既椰子水~~

第8次政府產檢 (35weeks 3)

今日又返QE覆診!!!今日簡直神奇，等左40分鐘就見到醫生啦!!
最快既一次~~~

其實後期照超聲波都冇咩特別!!confirm佢地有長大到~

血流胎水正常就OK~
我血壓血糖又keep到~~所以醫生都好快就照完~~

今次磅重，呀女大幅超前!!

呀仔重4磅11oz, 呀女就重5磅12oz!!!!
兩個爭1磅呀~~但醫生話佢地有長大，冇咩問題!!
可能呀女出世有6磅，呀仔都達標有5磅!!!叻叻~~
醫生講明唔好特別去谷，因為可能會係個女繼續吸收XD”~
而且今次照，呀仔個頭已經轉左向下lu~~

之後做埋B鏈檢查，我以為要用鴨咀，勁緊張…

原來唔使，好快咁抹一下就OK!!!

本身醫生話今日檢查完，唔使再返黎覆診，直接37週入院開刀…

但我話唔係後期一星期一次架咩…
醫生話咁你想照，下星期再返黎多次~~hehe~
咁就R多次檢查啦~haha!

 

今次檢查完仲好早，同老公行左去Hello Kitty 中菜廳食lunch~~
真係中意kitty為左kitty先黎影下相呃Like~~
因為都幾貴，而且可能開左一段時間，D餐具kitty樣又甩色又崩咁..

第7次政府產檢 (33weeks 2)

今日又返QE覆診!!!今日快左呀~~等1個鐘就見到醫生lu~~

醫生話呢個週數都唔使再度子宮頸長度lu~~
佢都係個句，有肚痛作動見紅就入院啦!!

 孖B而家好大隻la…

Feel到佢地而家橫誇我成個肚…
成日會撐住撐住咁…而家坐低起身都困難左…

今日度size, 兩個都岩size…

呀仔而家重4磅, 呀女就重4磅3oz!
加油!!繼續增磅!!!

因為上次同私家講心跳快，佢叫我返政府驗血check下甲狀腺!!

今日同醫生講，佢就安排我抽血…
見完醫生等姑娘抽血….

點知第一個姑娘吉左我兩次，仲要插左隻針了了下，都抽唔到血…

佢同我講: 佢無能為力…….==”
抽血唔係姑娘基本功嗎?

算….佢叫我落2樓去抽血房抽…我都同當值護士長講左幾句!

我次次返QE抽血都冇好經驗!!一係未抽已經話難抽，一係就吉幾次!!

咁我打算落2樓抽血房啦!!搵唔到既，但我知1/F有抽血房，落去問下….

點知原來個姑娘係叫我去隔離再隔離座既日間中心抽囉…
冇野呀~~叫個大肚媽媽行咁遠…..
我上返B3搵護士長，我話我行唔到咁遠，叫佢安排另一個姑娘幫我抽….

另一個姑娘最後都吉左我3針先抽到……total 俾人吉左5針呀~~

勁痛!!!!!!姑娘最後話我血管幼，同埋凝血太快wor….
只能講，私家每次抽血都好順利，
一分錢一分貨~~就係咁解~
兩星期後再覆診!!!

*孖B淘寶敗物分享* Round 2

越黎越接近預產期啦....

淘寶應該買埋今round就唔買住lu~~

有咩淘就等出世後先!!!

 

今次唔係買左好多野咋!!

主打買左D哺乳衫...質地都唔錯~~

係胸口位有條隱藏拉鏈...

但冇影到相XDD"

 

買俾孖B既就買左以下呢幾樣野~~

月份貼紙: 一疊有齊12個月，個個月都可以影相留念，男仔/女仔各一Set

i love papa & mama 襪仔

買俾呀女既花花襪仔~~立體好靚靚  (老公問: 咁個仔呢???haha)

白雲沖涼玩具...裝水會模仿落雨咁~~(淘寶賣人仔8蚊，我見代購賣$30架)

星星燈!!

baby in car 既貼車for 公公架車用!!!

 

另外仲淘左個床欄，因為得一張BB床，

有個B可能要訓單人床...人仔60蚊，好ok wor!!

用時可屈上黎，唔用可以反落去!!! 

 

孖B-政府VS私家產檢

無論去政府醫院生B定私家醫院生B~
兩邊既檢查，我都會建議大家去足…因為兩邊有record會方便好多!!
今次就分享下孖胎係政府醫院，同私家有咩分別啦!!

香港有幾間大院(我知既有QM, QE, PWH, KWH)，
都有多胎部門…有顧問醫生專責睇症，每次都有得照超聲波，

因為孖胎都算係high risk所以會跟得緊同足D~
我好好彩QE每次都係出名既梁醫生幫我照~~

以下係我自己係QE同私家診所覆診既經驗:

	政府醫院	私家診所
量血壓	姑娘量	姑娘量
磅重	自己磅	自己磅
超聲波	每次都有	有
留小便	要 (仲要空肚留，自己自備樽帶去)	20週後要 (唔一定要空肚)
評估BB大小	用超聲波量度	用超聲波量度
超聲波相	冇	有，3D/4D都有 仲print 埋同Save落碟 檢查時可以拍照拍片
檢查胸部	第一次有	冇
驗血	有	冇
驗分泌	有	冇
聽心跳	用超聲波	用超聲波
營養補充品	免費	收費
檢查收費	每次$180	每次$1600
等候時間	最少1.5-2小時	平均約20-30分鐘 最快既10分鐘 最耐試過等1.5小時
假紙	有，全日/半日都可 但想抖多幾日就未必俾到	有，而且比較鬆手
隔幾耐檢查1次	12週飲糖水測試 13 週1st 見醫生& 唐氏綜合症篩查 19週-見醫生照結構 23, 26, 29週- 3星期見醫生一次 31, 33, 35週- 2星期見醫生一次 35週後每星期見醫生一次 約35-36週做B鏈檢查 約37-38週剖腹生B	診所建議: 12週前：2星期1次 12週後：3-4星期1次 34週後：1-2星期1次

我知同部分孖胎媽媽，我係政府醫院檢查次數比較疏
(應該係好彩，證明BBs冇咩事)

而QE亦可以自己選擇順產/開刀生孖B (大前題順產要岩位先)

孖胎因為都算high risk，而且政府醫院對初生嬰兒既支援亦比較充足
(touchwood私家有事都係轉去政府)，
加上私家醫院孖胎收費好貴，樣樣都double~

所以我都會決定留係政府生Bbs，而家希望bbs乖乖，我地足月先見面!