第一次 - Kidskiss kingdom 親子餐廳!

呢間親子餐廳，孖媽好早前已經好想帶babies G去玩啦!!
但之前太細個，岩岩11月踏入1歲又識行幾步!!
就約左爸爸朋友3個family一齊去親子餐廳玩!!

係石門好方便我地~~hahaha
孖媽之前產檢都係石門~~~

妹妹示範: 搭車要緊握扶手XDD"

揀中好日子，係餐廳朝早大清潔完，我地下午就入場玩!!!
最吸引既(對孖媽黎講)，當然係波波池啦~~
但因為都比較深，bbs有D驚….

當日佢地主要留係幼兒區玩~~

大波波，入到去定格左…

超市推車煮飯仔未識玩…

賽道坐車車都OK!!!妹妹好開心，哥哥坐幾次都喊...

Happy Farm勁得意，但bbs未識欣賞!

 

小朋友入場計入場費，大人就order野食cover既~~
野食飲品味道都幾好，但始終小朋友太細要跟住玩…
冇得好好享受下!!!

整體感覺都唔錯，但bbs都係太細，要再大D先帶佢地黎玩!!!

----------------------------------------------------------------------------------------
facebook page : 龍鳳Babies G & 孖媽Gloria| 想睇更多Babies G生活照: https://www.instagram.com/babiesg_mamagloria

邀稿/合作: twins.babiesg@gmail.com

Babies G 1歲啦!!!!

時間過得真係好快~~
入QE生仔好似琴日既事…
好多bbs成長既畫面，細節來不及一一細味…

你地已經由一團肉，成長到識行識走(好快就識駁咀=O=)
孖媽唔捨得你地長大得太快!!!

1歲生日，有最重要既公公婆婆嫲嫲爸爸媽媽一齊切蛋糕慶祝!!
簡單而隆重!!!

孖媽祝你地快高長大，健健康康，開心幸福快樂，無憂無慮!!
而孖媽亦要提醒自己無忘初心，唔好變怪獸，盡量唔比較!
爸媽永遠愛你們!!

 

 正日再切蛋糕!!

 

 

 

 

 

 

 

 

 

 

 

 

 

 

 

 

 

Happy 1 year old!

[BB食譜]- 雪梨雪耳露

天氣真係好乾燥!!要煲D潤野飲下~
今次煲左雪梨雪耳紅棗圓肉糖水…
煲好後將雪梨雪耳打成蓉俾bbs~~
貪靚既妹妹chur住食，哥哥都唔蝕食左好多!!
一家大細齊滋潤!!!!

材料:
雪梨   3個
雪耳    1朵
紅棗    5粒
圓肉/杞子  適量

冰糖    少許

做法:
1. 將雪梨去皮去芯切件; 雪耳浸發後，剪去中間蒂部
2. 紅棗，圓肉，杞子沖洗，紅棗去核
3. 將所有材料隨水煲，水滾後中細火煲30分鐘

4. 加入少許冰糖，再煲10分鐘即可
5. 俾bb食可以將雪梨雪耳打成蓉

如果唔加冰糖，雪梨有機會澀，但俾bb食所以比例上落少左。

 

 

 

 

 

探初生BB禮儀

早前整左個 #尿片蛋糕送俾朋友個初生BB~~

之前聽媽媽gp既分享，部分媽媽都會呻下探BB時既問題~
今次就同大家分享下探newborn BB既禮儀啦!!!

1.     當然要同新手媽媽約好時間啦。請記住係要就人地時間，要就BB訓覺/媽媽休息，唔好打亂人地個時間表。

2.     病左/少少唔舒服請好返再探。

3.     入門後，請一定記得要用梘液洗手!!! 梘液梘液梘液!!唔可以淨水沖兩下。

4.     唔好噴香水，BB唔會覺得你香，相反香水對BB係有壞影響。

5.     想抱BB前，問一聲BB父母，係禮貌黎。

6.     抱BB動作要輕，同埋交接手時，要確保對方已經抱實BB才放手。

7.     女士想抱BB既，當日請盡量唔好化濃妝，抱B時長髮請扎好。

8.     千萬唔好錫BB，大人口水好多菌，而且無父母想外人錫BB。

9.     探B時間不宣太長，始終newborn BB成日要訓，媽媽都要休息。

10.  同BB影相唔好開閃光燈，同新手媽媽影相post上網記得講聲，有時好殘人地未必想post

11.  新手媽媽都係第一次做媽媽，而且生完心情好敏感。要多讚美多認同。唔好似住自己有經驗係咁講 (特別母乳呢個敏感話題)

12.  送禮前可以詢問對方有咩需要，利是禮卷尿片奶粉都係好選擇 (尿片奶粉購買前請確保岩牌子岩碼數，尿片寧願買大D size)

做個好既探B朋友，遲D BB再大就可以多D見啦!!