Babies G - *10個月寫真*

想睇多D相??
去fanspage睇: 龍鳳Babies G & 孖媽Gloria|

Babies G初生同100日時都有出去影相~
原本仲想半歲，9個月，1歲咁影~~
點知拖下拖下....最後confirm左10個月個陣影…哈哈
10個月既佢地已經坐得好穩陣!!哥哥仲識企，但未行…

我地係分開2間studio影一人一輯!!
咁會比較容易控制佢地…怕影相兼顧唔到兩個!!
(重點: 影兩間有唔同場景影XD” 滿足晒孖媽~~)

揀俾哥哥既Studio亮點係~大雄間房!!
孖媽一睇已經好中意!!!
仲特登去買左塊記憶麵包俾哥哥食住影~~

另外一個look就係韓式Style~~
哥哥影個陣有少少扭計，可能唔習慣!!
爭少少笑容不過都係咁可愛。

妹妹呢間Studio d場景好靚!!!收到相張張都好靚~
我地妹妹真係好醜怪豬呀~~完全心心眼…

第一個style比較女仔!!

第二個style 係mo 仔!!道具超仔細呢~~

 

兩間studio價錢差唔多，而且都係全包相!!!(最怕要揀相)~
同埋都有包親子相!!

哥哥影果間，攝影師同助手比較熱情，有少少時間warm up下~~
都幾岩哥哥 (妹妹比較怕生保)~~互動多D~

妹妹影個間，我有預先講定妹妹怕生保
 (事前勁驚佢會扭計喊，點知個日出奇表現好好，仲有好多笑容，順利完成!!)

攝影師同助手都唔會同妹妹太close，set場時比妹妹望下佢地做野…
加上係屋企爸爸都會用部單反隊住佢地影相!!
冇咩warm up 下，一黎就影都OK wor~~
而且攝影師都好快手又熟手，捕捉到妹妹可愛既表情。

如果想知studio詳情就pm 我啦!!

黎緊一歲大挑戰呀!!兩個一齊影outdoor!!!!之後再分享!!