Babies G 14months!!!

上個月太忙都冇出blog 13months~~~haha
表哥仔返黎5個星期，感覺上bbs多方面都有進步呀!!!
果然有個太少少既小朋友一齊玩，係最快學習~

兩個而家好多野講，好似會識溝通咁…
除左BB話，發音有baba,  mama,  dada, 曳曳
知道咩係No，話NO既時候，會停一停手，望住你
知人鬧，被鬧時妹妹會喊，哥哥會呆係度

知道我地講拍手會拍下手仔~
開心時/成功時都自己拍手high~
妹妹好醒，而家唔中意/唔想時會搖頭表示唔好
同埋呢期妹妹比較痴身左，中意痴住媽媽

妹妹而家有8隻牙，哥哥有7隻…
唔算好為食，但用野食都可以扭計時氹下，
最近中意食吱吱果蓉，每人都好快可以chur晒一包
加固進度都唔錯，而家3固3奶，3固有其中一餐係小食/生果
豬牛魚雞咩都食，長腳蟹都食過XDD”

行得越黎越穩陣，係屋企/公園就成日周圍行，但出街就唔係好肯行…
慢慢扶住都可以上樓梯~

姨媽表哥仔返黎最叻係教到babies G而家識企係度用花灑沖涼，方便好多!
再係表哥仔既表演下，而家兩個都識上落sofa~~又識積木疊高高

而呢1-2日，佢地開始有意識自己拎匙更去”不”飯飯食，good!!

慢慢睇住由初初出世時既兩團肉，而家日日進步，不斷長大學習。
真係好amazing，心裡既不捨又感恩!!