[BB食譜]- 燉肉汁

 早兩星期babies G病左，
面仔即刻瘦晒，又唔肯食，要逐安逐安奶餵…
孖媽我好肉赤~~~

佢地好返之後，孖媽就燉左肉汁俾佢地飲。
燉肉汁係一款勁簡單又補身既補品，
可以補補元氣，強神健體。
開始左加固既BB都可以飲，
最好朝早俾佢地飲 (因為飲完會好精神架!!)

燉肉汁最重要就係豬肉，
花咁多功夫燉肉汁一定要買較好既新鮮豬肉，
最好買瘦肉，一定要買好瘦好瘦既瘦肉，
有D肥都要切走佢，如果唔係燉完會有層油。

今次係一田買左件本地黑毛豬瘦肉，
有齊認證，無添加無激素!!super good!

做法好簡單:
1. 瘦肉洗淨，切細件, 預備1個細煲/大碗及1個細碗

2.  將細碗倒轉放在細煲/大碗內， 豬肉鋪滿小碗，

     3. 加蓋/鋪錫紙放入蒸爐100C 燉3小時

5.       出爐後，輕力拿走肉碎，揭開細碗，肉汁便流出

       今次買左唔夠半斤，都有大半碗!!
飲落味道都好濃，甜甜地咁…
俾bbs飲佢地都好肯飲呀~~滴滴皆精華!!一滴都無浪費!