在職媽媽也不是閒的!

孖媽家沒有姐姐，平常依賴婆婆公公照顧babies G和煮晚飯。
孖媽家的家務都是我們兩公婆分擔的，由於老公返夜，
所以夜晚的家務大部分都係孖媽自己搞掂!

放工回到家最快都6:30，即刻沖涼~
然後開洗衣機洗大人衣服，食飯，同時間一路餵Bbs 加固!
洗碗，掠衫，再開機洗BB衫~
吸塵拖地(已經懶到隔日做)，再泵奶~~
之後同婆婆一人餵一個食奶+氹訓覺~
訓晒覺婆婆返屋企…

孖媽繼續洗烚奶樽、泵奶配件，掠BB衫，
再清潔bbs每日玩既玩具，play mat , high chair & sofa!

 其實中途都仲會陪玩一陣，親子時間!!!
書卷味要食落肚先有~~haha

 

 

勁好彩既最快11點孖媽可以預備訓，
但多數都唔好彩，可能bb食奶唔合作/氹極都唔訓。
或者訓左轉頭又醒返~~12點有得訓已經好好~~
第二朝又6點半起身泵奶返工。

基本上由返到屋企6:30個刻到訓覺12點前都係忙到無停手，
電話都唔得閒睇。
都仲未講bbs唔舒服又要餵藥，
做多左清潔，仲要半夜成日起身望望。

其實我已經好感恩，老公朝早會負責部分家務，
又同bbs親子下，夜晚有時放工返黎Bbs扭計，佢又會叫我休息等佢接手。

但總有說話聽到覺得孖媽我好閒，可以做更多!!!!
嬲~~唔識湊又唔使湊~仲多多意見!!!討厭呀~~~~